Af hverju geta menn ekki farið yfir málin saman, hlustað á rökin hvaðan sem þau koma og komist á endanum að niðustöðu í málinu? Hvers vegna þarf alltaf að þræta, kveina og lítilsvirða hvort annað. Þetta er geðveiki!  

Þó svo að núna sé ekki hægt að vera með óskiljanlega þjóðaratkvæðagreiðslu 30. júní næstkomandi gefst enn tími til að halda hana síðar og þá leggja fyrir raunverulega valkosti um tilbúið efni. Hinsvegar hljómaði síðustu ræðurnar stjórnarliðsins eins og það eigi ekki að halda neina þannig það er alls óvíst hver næstu skrefin verða.

Ég vona svo innilega að fólk skoði heildarumræðuna, hvað hefur verið sagt og hver staðreyndir í málinu sé. Þá hjá bæði stjórnar- og stjórnarandstöðu. Fólk verða að hætta að æpa upp frasa eftir þingmönnum og setja fram auðhrekjanlegar staðreyndir. Stjórnarskráin á einfaldlega skilið meira en flýtimeðferð.

Jón Bjarnason, fyrrverandi Sjávarútvegsráðherra, segir vandamál Ríkisstjórnarinnar vera Jóhanna Sigurðardóttir. Ef það sé málið þá bið ég Jón að gera eitthvað í málinu því þú greinilega ert ekki að styðja þessa stjórn undir hennar forystu.

Takk fyrir

Aftur á móti ef ég ætlaði að opinbera flutning úr banka útaf launamálunum eða annað hefði ég frekar valið að fara í lítinn sparisjóð út á landi sem ekki var notaður sem sparibauk fjárfesta eða farið ofviða í fjárfestingum.

Er Ólína með þessu að sýna gott fordæmi? Jújú örugglega en samt gegnur hún hálft skrefið með þetta að mínu mati.

Margaret Thatcher átti góða mjög gott svar á Breska Þinginu árið 1990 þegar rætt var um laun og sósíalisma.

Það er nú hægt að ræða það hvort það eigi að vera hærra en milljón eða ekki, en þetta er þá bara svona stríðsskaðaskattur eins og Bandaríkjamenn lögðu á eftir Seinni heimsstyrjöldina. Þeir voru með 94% skatt á hæsta tekjuhópnum til að fjármagna stríðskostnaðinn. Það má kannski segja að okkar stríðskostnaður sé bara kostnaðurinn af bankahruninu sem einhver þarf að borga. Og það er náttúrlega réttlátt að þeir sem eru með þessi laun, allt upp undir tíu sinnum hærri laun en venjulegt verkafólk, borgi margfalt meira til samfélagsins

Lilja Mósesdóttir, Vill stríðsskatt á tekjuháa - visir.is

Ef ríkisstjórnin ætlast til að almennir borgarar eigi endalaust að gjalda fyrir mistök ríkisvaldsins, bankana og aðra þá er eitthvað mikið að. Vissulega sjálfsagt að það þarf að fórna einhverju en einhverstaðar þarf að draga strikið. Ef ríkið ætlar í stríð við almenning er þá ekki bara tímaspursmál hvenær púðurtunnan loksins springur og almenningur fari í "stríð" við ríkisstjórnina og Alþingi. Ef það er komið nóg af vitleysunni þá eiga þau á Alþingi frekar að skoða sinn gang.

En til að undirstrika það sem mun að öllum líkindum gerast ef svona skattafrumvarp verði samþykkt, sé ekki ástæðu til að leggja á mig þessa vinnu við að skrifa meira að sinni.

Þegar Ólafur Ragnar Grímsson, forseti lýðveldisinns, tilkynnti í morgun að hann neitar að skrifa undir nýju IceSave lögin sendi hann m.a. skýr skilaboð til Alþingis og ríkisstjórnarinnar, að hvernig þetta mál var keyrt með valdi gengum þingið myndi ekki ganga upp lengur. Slíkar aðferðir hafa á síðustu árum verið algeng með stjórnarfrumvörpin þ.a.s. keyrt í geng á meirihlutanum af því að hagsmunir þeirra eru það miklir í málunum að ekki má fara í efnislegar breytingar á málinu. Máli mínu til stuðnings samþykktu 32 stjórnarþingmenn af samanlagt 34 (20+14) IceSave frumvarpið. Vitna í orð Ögmundar „64-0” sem hefði verið besta niðurstaða, enda þá fullkomin sátt um málið á Alþingi en ekki bara heilaþvottur ríkisstjórnarinnar. Þetta mál einfaldlega var dauðadæmt frá byrjun því allar þá hótanir og hunsun um að rökræða málin var ekki virt. Því er þessi niðurstaða ríkisstjórn Samfylkingar og Vinstri græna að kenna, ekki forsetanum.

Neitun hans er þó ekki endalokin eins og ríkisstjórnin hefur sagt. Við vissum að lánshæfismatið færi í ruslflokk ef þessu væri neitað og að lánin verða í uppnámi útaf þessu. Afhverju er það? Vegna þess að Bretar og Hollendingar vilja hafa tromp yfir Íslendingum. Með því að beita sér svona í alþjóðasamfélaginu gegn okkur bæði í viðskiptamálum og hugsanlega líka í erlendum fjölmiðlum reyna þau að hræða ríkisstjórn Íslands til að samþykkja þetta. Ég nefni fjölmiðlana vegna þess að ég á erfitt með að skilja hvernig erlendir miðlar geta kerfislega misskilið afstöðu okkar í málinu að við séum í raun að rétta úr fingurinn og neita að greiða krónu/evru/pund tilbaka. Allt skipulagt til að já knýja þjóðina undir sinn vilja og skapa reiði erlendis. Hinsvegar hefur þjóðin, stjórnarandstaðan og forsetinn gefið ríkisstjórninni, Bretum og Hollendingum tónin að það ætlar ekki að láta taka sig þurt að aftan í þessu máli og setja landið á veð fyrir gallaða reglugerð ESB. Við getum þraukað okkur í gegnum þetta mál og á endaum kemur í ljós að barátta okkar við þá átti rétt á sér. Hinsvegar er langur vegur þangað til nema að okkar málum er haldið til haga gangvart pressunni og erlendum erindrekum. Annar erfiðleiki er þó til staðar hér heima fyrir. Icesave málið er búið að hanga svo lengi yfir þjóðinni án niðurstöðu að það er komið í sama pott og Baugsmálið var orðið. Fólk vill bara losna við þetta á einhvern hátt. Ég er þó guðs feginn að til er fólk sem trúr á að þessi niðurstaða er ekki ásættanleg niðurstaða fyrir okkur.

Ríkisstjórnarsamstarfið ætti ekki að vera í hættu nema þeir kjósi að setja hana í hættu. Vissulega gætu þeir fengið meiri samúð núna ef þeir slitu samstarfinu og gengu grátandi út úr ráðuneytunum sínum af því að vondi maðurinn á Bessastöðum vildi ekki skrifa undir samning sem ekki er gerður í sátt við þing og þjóð. Jón Baldvin Hannibalsson hefði greinilega farið þá leið að slíta samstarfinu í fílu miðað við orð hans í dag.

Ég hef alltaf verið sá skoðunar að framkvæmdavaldið allstaðar í heiminum sé ekki toppurinn á valdapýramídanum heldur hópur fjársterka manna sem í raun stjórna atburðarás hverjum tíma. Máli mínu til stuðnings má nefna að allt frá einkavæðingu bankana hófst ákveðin lobbyismi viðskiptamanna sem gróf sig annaðhvort vitandi eða óvitandi inn í stjórnkerfið, háskólana og á aðra staði. Þegar fólk fór að átta sig á þessu í ríkara mæli var það aftur á móti of seint til að bregðast við. Sama á og hefur átt sér stað lengi í Bandaríkjunum og Bretlandi. Nýja ríkisstjórnin ber þessu að vissuleiti einhvern keim líka. Bestu vinir Steingríms voru sendir í IceSave málið og eins og Össur sagði þegar samninganefnd um málefni ESB var mynduð væri á ferðinni það besta samningateymi sem þjóðin hefur upp á að bjóða. Hví voru þessi ofurmenni ekki látin taka Icesave líka? Einnig hvers vegna eru fáir að rannsaka hrunið og hvers vegna er ekki kominn almennilega sjáanlegur árangur með að rannsaka þá gæja sem settu allt á hliðina þegar Bandaríkjamenn náðu að handsama, rannsaka og dæma Madoff á rúmum þremum mánuðum eða svo. Ég tel þetta vera allt spurning um hvar hagsmunir liggja.

Ég fann þessa ágæta heimildarmynd sem er ádeila á Obama, öðrum forsetum Bandaríkjana, alheims fjármálakerfið og „The New World Order”. Þetta passar nokkuð vel í þá hugsun sem ég hef haft lengi um stjórnmál og hverjir virkilega stjórna ferðinni. Ætla þó ekki að alhæfa að þetta sé allt satt enda ekki með handbærar sannanir sjálfur nema bara tilfinning um að þetta sé rétt, þótt ég vilji ekki trúa þessu innst inni. Slóðin: http://www.youtube.com/watch?v=eAaQNACwaLw. Mæli með að fólk kynni sér þessa mynd. Mjög fróðleg.

Spurning sem vaknar þó, hverjum er treystandi til að verja og halda uppi hagsmunum þjóðar. Sjálfstæðisflokkurinn klúðrarði sínum málum rækilega. Samfylkingin hefur núna tvisvar klúðrarð rækilega, þótt hún vilji ekki viðurkenna það í bæði skiptin nema fyrrverandi formaður hennar, Ingibjörg Sólrún, og núna vinstri grænir sem hafa helst keðjað sig við ráðherrastjólana og samþykkja hvað sem er til að halda þessu áfram. Aðrir flokkar eins og Framsókn kannski? Veit ekki. Ef svo vill til að þingkosningar verða haldnar á næstunni þá vona ég þó að fólk kjósi um framtíðina, ekki fortíðina eins og síðast.

Fáránlegt.

En öllu gríni sleppt þá er þetta alvarlegt mál og vona að enginn hafi slasast :S 

Bráðamóttökur Landspítalans eru núna:

• Slysa og bráðamóttakan í Fossvogi
• Bráðamóttakan við Hringbraut
• Bráðamóttaka barna (Barnaspítali Hringsins)
• Bráðamóttaka geðdeildar

 Vissulega væri hægt að „hagræða“ eitthvað ef þetta væri saman en spurningin á kostnað hvers. Starfsfólk? Laun? Gæði? Er laust plás í Fossvoginum? Var ekki talað um fyrir einhverju síðan að Fossvogsspítali sé þétt setinn? Á þá að ferja sjúklinga á milli húsa þegar þarf að leggja þau inn á viðeigandi deildir?

Svo þegar talað er um að setja upp sérstaka hjartamiðstöð við Hringbraut þá er nú þegar bráðamóttaka og deildir þar sem sinna hjartamálum þar.

Einhvern eigin er ég ekki alveg að skilja þessa frétt nógu vel því miður.  

Ég fagnaði á sínum tíma reglugerð um að þingmenn tilkynni hagsmuni og eignir sínar utan störf þingsins til alþingis til að byggja upp traust og gegnsæi í starfi sínu. Almenningur getur nú nokkurn veigin skoðað hvaða hagsmuni viðkomandi hefur utan þings og prófaði ég í dag að kíkja á hagsmunaskráningu þingmanna. Ágætis lestur.

Það sem kom mér á óvart hinsvegar var hagsmunarskráning háttvirts fjármálaráðherra, Steingrímur J. Sigfússon segir aðeins „Þingmaðurinn hefur enga fjárhagslega hagsmuni sem reglurnar taka til.“. Það sama kemur svo hjá háttvirts forsætisráðherra, Jóhanna Sigurðardóttir. Aftur á móti er Steingrímur einn eiganda fréttavefsins smugan.is með 4.5% hlut. Nú hef ég haldið að markmiðið var að skrá niður alla hagsmuni þingmanna þar með eigur í fyrirtækjum og fleira, hvort sem það sé rekið í hagnaðarskyni eða ekki. Eða er ég eitthvað að misskilja þetta?

Það eru nokkrir dagar á hverju ári sem eru einstakir. Sem dæmi má nefna að við höldum upp á afmælið okkar einu sinni á ári, höldum jól einu sinni á ári og flestir meira segja fara á hverju ári á Þjóðhátíð til að drekka frá sér allt vitið. Allt dagar sem við höldum mjög vel upp á. Þó er einn dagur sem á til að gleymast, þ.a.s. allavega svona í fyrstu eða þangað til einhver öskrar „Fyrsti apríl”. Já mikið rétt, í dag er fyrsti apríl, hátíðardegur hrekkjusvína.Það er mjög líklegt að þú lesandi góði hefur orðið fyrir aprílgabbi í dag eins og eflaust flestir aðrir í kringum okkur sem ekki heimsækja þennan frábæra fréttamiðil. Íslenskir fjölmiðlar sem dæmi hafa í áraraðir spunnið upp algjöra þvælu fyrir okkur Íslendinga sem flestir hafa ekki fattað fyrir en þeir mæta á staðinn þar sem sá viðburður á að gerast. Í fyrra sem dæmi bauð mbl.is upp á ókeypis niðurhal á kvikmyndum og tóku margir þátt í þeirri vitleysu, eða hátt í 20 þúsund manns. Aðrir lokkuðu fólk að bensínstöð í þeirri trúa að fá mjög ódýrt bensín og aðrir nýttu sér Björn Inga Hrafnson í sinn hrekk, en hann átti víst að hafa tekið við sem ritstjóri 24 stunda og að hann ætlaði að árita endurminningar sínar í Kringlunni. Hvað fjölmiðlar spuna upp í dag er best geymt fyrir ykkur að finna út kæru lesendur.

Sem dæmi um fræg fyrsta apríl gabb erlendis frá má nefna stóra spaghettí tréð sem BBC fjallaði um árið 1957. Þar sýndu þeir þegar spaghettí var týnt úr svokölluðum spaghettí trjám í Sviss. Margir hringdu síðan til BBC og vildu forvitnast um hvernig hægt væri að rækta sín eigin spaghettí tré. Þeir svöruðu þeim spurningum yfirleitt þannig að „settu eina spaghettí lengju í skál af tómatsósu og vonaðu það besta”.
Einu sinni var meira segja sagt frá því að skakki turninn í Písa hafi fallið. Það gerði Hollensk sjónvarpsstöð á fimmta áratug síðustu aldar. Margir hringdu síðar í stöðina til að athuga hvort þetta væri satt, enda voru margir orðlaus yfir þeim fréttum.
BBC flutti fréttir á þessum degi árið 1965 að þeir væru að prófa nýja tækni til að senda áhorfendum einhverskonar ilm gegnum sjónvarpstækin inn á heimilin. Margir hringdu inn á stöðina til að tjá þeim að þeir fundu lyktina. Netútgáfa BBC endurtók síðar leikinn árið 2007 en þá átti lyktin að koma gegnum tölvuna. Ekki er vitað hvort einhverjir hafi þó tilkynnt það að tilraunin hafi virkað eins og gerðist í fyrstu tilraun.

En hvaðan kemur þessi hefð að hrekkja kunningja sína á þessum alþjóðlega degi hrekkjusvína? Ekki er vitað fyrir víst hvenær þessi síður byrjaði og eru til óteljandi margar hugmyndir um upphafið á þessum stórskemmtilega degi. Ein þeirra og án efa vinsælasta miðað við þær heimildir sem blaðamaður þessi fann í tengslum við þennan pistil er kenning sem á upphaf sitt að rekja til Frakklands. Þar segir að árið 1564 breyttu Frakkar um dagatal þar sem þeir færðu fyrsta dag ársins til 1. janúar í staðinn fyrir lok mars. Einhverjir voru mjög tregir að sættast við þessa breytingu eða hreinlega gleymdu að búið var að breyta dagatalinu og voru rækilega vel gabbaðir á þessum degi. Prakkarar festu gjarnan einhverskonar fiska á bakið á fórnalömbum sínum til að merkja þá og kölluðu þeir þennan sið April Fish eða Apríl fiskur á góðri íslensku.

Lesendur eru beðnir um að vera á varðbergi í dag gagnvart aprílgöbbum enda aldrei að vita hvaða vitleysu vinir, kunningjar, samstarfsfélagar eða aðrir reyna að gera manni í dag. Einnig er þú lesandi góði lumar á skemmtilegum hrekk sem þú varst fyrir í dag, bendir blaðamaður sérstaklega á athugasemdar svæðið við pistilinn :)

-----------
Greinin var skrifuð fyrir landpostur.is, fréttavef Fjölmiðlafræðinema við Háskólann á Akureyri. Fréttin birtist þann 01.apríl 2009 14:47

Bjarni Benediktsson var fyrir stundu kjörin formaður Sjálfstæðisflokksins. Hann hlaut alls 990 atkvæði en Kristján Þór Júlíusson hlaut 688 atkvæði. Bjarni hlaut vel skuldað lófaklapp frá landsfundargestum og sagði hann bara „ég er eins og skyr, ég er mjög hrærður“ þegar hann ávarpaði fundargesti. Alls greiddu 1.705 manns atkvæði, ógildir seðlar voru fimm og auðir seðlar tveir. Þorgerður Katrín var síðan endurkjörin sem varaformaður flokksins með 80,6% atkvæða.

Bjarni þakkaði fráfarandi formanni og mótframbjóðenda sínum í ávarpi sínu eftir að niðurstaðan var tilkynnt. Geir H. Haarde hélt stutta ræðu í kjölfarið þar sem hann þakkaði fyrir sig og afhenti Bjarna lykli að formannsherberginu í Valhöll og sagði Geir að „þessi lykill opnar reyndar allar vistarverur í húsinu. Einnig útidyrahurðina.“

„Formaður Sjálfstæðisflokksins, Bjarni Benediktsson, innilega til hamingju“, sagði Kristján Þór Júlíusson þegar hann talaði við fundargesti fyrir stundu eftir að niðurstaðan var kynnt. „Það vantar þrjár mínútur í að það séu sjö sólahringar síðan að ég tilkynnti um framboð mitt til formanns og hefur þessi vika verið mér ógleymanleg“. Kristján þakkaði fjölskyldu sinni og stuðningsmönnum fyrir stuðninginn og sagði líka að hann lítur á Sjálfstæðisflokkinn sem hlut af sinni fjölskyldu. „Ég legg áheyrslu um að við stöndum saman um þennan ágæta og góða dreng sem hann Bjarni Benediktssonar er.“, sagði Kristján og bætir við „ég munstra mig í áhöfn Bjarna Benediktssonar.“. Fyrir vikið uppskar Kristján veigamikið lófatak frá fundargestum.

Þorgerður Katrín Gunnarsdóttir hlaut yfirburðakosningu til embætti varaformanns með 80,6% atkvæða. Þorgerður ávarpaði fundargesti og sagði „Bjarni við verðum að klára þetta dæmi“. Þorgerður sagði einnig líkt og Kristján gerði stuttu áður að hún myndi ávallt standa að baki Bjarna. Landsfundargestir fögnuðu niðurstöðum vel og lengi og er ljóst að hin nýkjörna forysta flokksins hafi flokkinn með sér. 1618 manns greiddu atkvæði í varaformannskjörinu og voru 92 seðlar ógildir og níu auðir seðlar.

-----------
Greinin var skrifuð fyrir landpostur.is, fréttavef Fjölmiðlafræðinema við Háskólann á Akureyri. Fréttin birtist þann 29.mars 2009 16:03

Tveir mótmælendur hafa mannað stöður sínar fyrir utan aðalinngang Laugardalshallarinnar í dag og berja þeir í potta og pönnur í mótmælendaskyni. Öryggisgæsla inn á fundinum hefur verið efld til öryggis en ekki er tilefni til að kalla á aðstoð frá lögreglunni miðað við þau svör sem landpósturinn hefur fengið.

Mennirnir tveir stoppuðu þó stutt og voru farnir áður en Davíð Oddsson hélt sína umdeildu ræðu.

-----------
Greinin var skrifuð fyrir landpostur.is, fréttavef Fjölmiðlafræðinema við Háskólann á Akureyri. Fréttin birtist þann 28.mars 2009 15:11

Óbreytt afstaða til Evrópumála

„Endurnýjað hagsmunarmat hefur ekki leitt til grundvallarbreytinga á afstöðu Sjálfstæðisflokksins. Kostir aðildar tengjast helst gjaldmiðilsamálum og ljóst að ýmis álitamál verða aðeins skýrð í viðræðum.”, stendur m.a. í ályktunartillögu Evrópunefndar sem Kristján Þór Júlíusson, formaður nefndarinnar, las upp á fundinum. Sjálfstæðismenn samþykktu þó viðbótartillögu við ályktunina þar sem segir að „komist Alþingi eða ríkistjórn að þeirri niðurstöðu að sækja beri um aðild að Evrópusambandinu er það skoðun Sjálfstæðisflokksins að fara skuli fram þjóðaratkvæðagreiðslu um þá ákvörðun á grundvelli skilgreinda markmiða og samningskrafna”. Það má því segja að þrátt fyrir að stefna flokksins sé óbreytt hvað varðar Evrópumál sé búið að opna fyrir mögulegar aðildarviðræður ef þjóðin og ráðamenn kjósa að gera slíkt. Um þetta voru flest allir fundargestir sammála um.

Aftur á móti kom skýrt fram í ályktunartillögu nefndarinnar að yfirráð yfir auðlindum Íslands verði ekki gefin eftir til annarra þjóða eða samtaka þeirra og standa beri vörð um innlenda matvælaframleiðslu.

Nefndarmenn í utanríkisnefnd kvörtuðu um að fá ekki tækifæri á að taka fyrir Evrópumálefni á sínum fundi. Aðrir sögðu kvartanir þeirra ekki við rök að styðjast þar sem þegar var búið að fara yfir þau mál frá öllum hliðum undir sérstakri nefnd og almenn sátt hafi náðst í tillögunni á fundinum. Nefndarmenn höfðu því nægan tíma til að koma fram með sínar skoðanir á fundinum og því alveg óþarfi að ræða um þessi mál að nýju þegar búið var að kjósa um ályktunina, enda hafa Evrópumálin verið stór partur af vinnu flokksins síðustu vikur.

„Ábyrgð samfara frelsis”

Vilhjálmur Egilsson, formaður Endurreisnarnefndar, hóf umræðu um endurreisnarstarfið á fundinum í gær og sagði að „grasrótin í flokknum er lifandi. Grasrótin í flokknum vill flokknum vel og er mjög áhugasöm um að ná árangri fyrir hönd Sjálfstæðisflokksins og þjóðarinnar allra.”en hátt í 200 manns tóku þátt í starfinu og kom fólk frá öllum stöðum þjóðfélagsins að starfi nefndarinnar. Ungir sem gamlir tóku saman hendur við að vinna að því starfi sem nú er rætt um, að mati Vilhjálms.

„Í ályktunninni er lagt til að sjálfstæðisflokkurinn axli þessa ábyrgð og biðjist afsökunar á því sem miður fór en hann hefði átt að gera betur.”, sagði Vilhjálmur. „Sjálfstæðisflokkurinn var í ríkisstjórn og löngum í forystu hlutverki á þessum uppgangstíma. Að þeim ástæðum ber flokkurinn óhjákvæmilega mikla ábyrgð á þeim mistökum sem gerð voru í landsstjórninni.” „Við þurfum að hafa ábyrgð samfara frelsis. Ábyrgðin og frelsið verða að fara saman til þess að sjálfstæðisstefnan virki og til þess að við getum byggt á henni.[...] Ýmsar ástæður megi rekja til stjórnvalda. Hvort heldur að það sé til ríkisstjórnarinnar, löggjafarvaldsins eða stofnana ríkisins.” Vilhjálmur nefndi einnig að orð Geirs H. Haarde, fráfarandi formanni flokksins, um ábyrgð flokksins á hruninu sem hann sagði m.a. upp í setningaræðu sinni.

Viðbótartillögur við ályktunar voru allar samþykktar en þar sagði m.a. að tryggja skal sjálfstæði og frelsi Íslands, halda beri vörð um menningararf Íslendinga og „vinna að víðsýnni og þjóðlegri umbótarstefnu á grundvelli einstaklingsfrelsis og athafnafrelsis með hagsmuni allra stétta fyrir augum.“. Einnig eigi að efla Samkeppnis- og skattaeftirlit. Ályktun nefndarinnar var því samþykkt á fundinum með meirihluta samþykki fundargesta.

Mikil hitaumræða myndaðist um gjaldeyrismál í gær á fundi efnahags- og skattanefndar en heimildarmenn Landpóstsins sögðu að það náðist að afgreiða flest öll málefni nefnda á fundartíma í gær. Nú standa yfir afgreiðslur ályktana málefnanefnda á þinginu.

Landsbyggðin eða höfuðborgin

Mikið hefur verið rætt um formannskjörið á þinginu og er ljóst að ekki verður hægt að spá um úrkomu kosninga fyrir en á morgun þegar kjörseðlar verða taldir. Viðmælendur Landpóstsins sögðu allir hafa ekki ennþá gert upp hug sinn. Allir voru þó sammála um að báðir frambjóðendurnir, þeir Bjarni Benediktsson og Kristján Þór Júlíusson, séu mjög áreiðanlegir kostir og duglegir menn. Það mætti segja að landsbyggðin sé að keppa við höfuðborgina um formannsstólinn. Í gær buðu stuðningsmenn Kristjáns fundargestum í Ásmundarsafnið þar sem boðið var upp á léttar veitingar og hægt var að hitta frambjóðendan sjálfan. Sjálfstæðismenn úr öllum kjördæmum voru viðstaddir og má því segja að Kristján hefur gott bakland rétt eins og Bjarni. Það sé því ómögulegt að spá fyrir um niðurstöðu kosninga. Fundargestir sögðu þau vera mjög sáttir að geta haft val á milli eins góða frambjóðendur og hvernig sem kosningin fer á morgun, fær sá traust flokksins til að leiða flokkinn áfram.

-----------
Greinin var skrifuð fyrir landpostur.is, fréttavef Fjölmiðlafræðinema við Háskólann á Akureyri. Fréttin birtist þann 28.mars 2009 14:34