Some Mother's Son

Some Mother's Son er leikinn heimildar mynd frá árinu 1996 og fjallar um Bobby Sands og hungurverkfallið fræga árið 1981. Sagan segir frá baráttu móðir Sands sem studdi son sinn í baráttu sinni. Sá þá mynd í kvikmyndasögu sem ég tók fyrir nokkrum árum. Sáum þar nokkrar góðar myndir sem fjölluðu um IRA, baráttu þeirra og auðvitað breska stórveldið. T.d. "In the name of the Father" fjallar um þá Gerry Conlon og Paul Hill sem flytja frá Belfast til London og lifa þar góðu Hippa lífi. Þegar öflug sprengja springur eru þeir félagar handteknir og dæmdir fyrir verknaðinn þrátt fyrir að vera saklausir. Síðar í sögunni er faðir Gerry handtekinn og fær að dúsa með syni sínum í fangelsinu.

Þetta eru mjög fínar myndir og mæli ég alveg með þeim. Nú verður maður að bíða eftir að sjá þessa nýju mynd. Kvikmyndasagan kveikti greinilega einhvern sögulegan áhuga frá þessu tímabili :)

Mynd á Cannes veldur deilum

Athugasemdir

[Sigurbjörn Friðriksson, 16.5.2008 kl. 00:49]

Ég man greinilega eftir fréttunum sem fluttar voru á meðan á þessu hungurverkfalli stóð.  Það var mjög lítið sem komst í heimsfréttirnar.  Það var talað um þessa frændur okkar sem hryðjuverkamenn sem ættu ekkert betra skilið.  Það var eins og G.W.Bush og hans hyski hefðui verið komið á kreik.

Hryðjuverkamennirnir voru Bretarnir.  Þeir sem á tímabili í stríðinu við Íslendinga um þorskinn kölluðu Íslendinga öllum illum nöfnum og vestrænar þjóðir trúðu Bretunum, því þeir áttu fleiri og útbreiddari fjölmiðla.  Og annað, ef Ísland hefði ekki verið aðili að NATO, þá  tapað Þorskastríðunum.  Það er það eina sem hefur verið jákvætt hingað til að vera meðlimir í Nató, svo ég viti.

Kær kveðja, Björn bóndi.

[Sigurbjörn Friðriksson, 16.5.2008 kl. 00:52]

Ég man greinilega eftir fréttunum sem fluttar voru á meðan á þessu hungurverkfalli stóð.  Það var mjög lítið sem komst í heimsfréttirnar.  Það var talað um þessa frændur okkar sem hryðjuverkamenn sem ættu ekkert betra skilið.  Það var eins og G.W.Bush og hans hyski hefðui verið komið á kreik.

Hryðjuverkamennirnir voru Bretarnir.  

Þeir sem á tímabili í stríðinu við Íslendinga um þorskinn kölluðu Íslendinga öllum illum nöfnum og vestrænar þjóðir trúðu Bretunum, því þeir áttu fleiri og útbreiddari fjölmiðla.  Og annað, ef Ísland hefði ekki verið aðili að NATO, þá  hefði Ísland tapað Þorskastríðunum.  Það er um það bil það eina sem hefur verið jákvætt hingað til að vera meðlimir í Nató, svo ég viti.

Kær kveðja, Björn bóndi.

[Íris (IP-tala skráð) 16.5.2008 kl. 10:03]

Góð færsla og ég er innilega sammála með myndina In The Name Of The Father. Glæsileg mynd og vel leikinn!
Ég bjó á Írlandi í stuttan tíma á meðan á meðan að ég var í námi og heyrði og upplifði margar skoðanir heimamanna af Bretum sem maður myndi ekki endilega heyra sem ferðamaður. Það eru enn sár sem þurfa að gróa þar útaf öllu því ógeðslega sem bretar gerðu á hernámi sínu og ég hafði ekki heyrt helmingin af þessum hörmungum sem voru framin áður en ég flutti til Írlands. Það eru þó flestir sem hafa sett þetta bak við sig og lifa fyrir daginn í dag enda Írland sjálfstætt land núna. Flestum í dag á Írlandi sjálfu er sama þótt að Norður-Írland verði aldrei hluti af Írlandi enda finnst þeim þetta vera annað land sem ekkert hafi sameiginlegt með Írlandi. Það eru þó auðvitað alltaf einhverjir inn á milli sem bíða þess dags (hvenær sem hann eiginlega verður!) að Írland verður sameinað.
Mjög, mjög athyglisvert að kynna sér þessa sögu frændsystkina okkar.

[Daníel Sigurður Eðvaldsson, 16.5.2008 kl. 10:10]

Já alveg sammála því. Hef aldrei komið til Írlands en er um þessar mundir að reyna að komast til Dublin og læra Fjölmiðlafræði. Þessar myndir hafa gefið manni ágætis yfirsýn frá þessu tímabili, þrátt fyrir það séu aðalega talað um erfiðu tímana.

Önnur mynd sem ég sá og gleymdi að minnast á var "Omagh". Mynd sem fjallaði um sprenguárás sem gerð var í samnefndum bæ. Sagan segir frá föður sem missti son sinn í þeirri sprengingu go baráttu hans um réttlæti eftir þennan hræðilegan verknað. Myndin var hinsvegar ekki eins góð og hinar tvær en alveg þess virði að skoða hana.