Kvikmynd: I am Legend

I am Legend segir sögu Robert Neville (Will Smith) og tilraun hans til þess að lækna veiru sem eyddi 99% af mannkyninu árið 2009. Eitt prósent, þeir sem smituðust ekki, féllu fyrir hópi stökkbreytra manna sem lifa í myrkrinu. Þessar veirur hafa tapað öllu því sem við köllum mannlegt og eru samblanda af uppvakningum og vampírum. Neville býr og vinnur í New York en þar átti veiran upptök sín.

Umhverfi myndarinnar er New York árið 2012 og er borgin náttúrulega illa farin. Bílar út um allt, rusl og  plöntur standa upp úr götum borgarinnar. Mjög friðsamlegt er á daginn en um leið og sólin sest koma fram skeppnurnar hræðilegu sem Neville reynir að nota undir rannsóknir á mótefni gagnvart veirunni.

Myndin er samblanda af Spennu, hryllingi, gríni, vísindaskáldskap og dramatík. Myndin sýnir okkar rómantíska og fallega mynd af einmannleika. Barátta manns til þess að halda vitinu í lagi er sterk og aðferðirnar við að viðhalda því eru sýndar hér á mjög fróðlegan og skemmtilegan hátt. Sjaldan hef ég séð eins góða túlkun á einmannleika eins og í þessari kvikmynd.

Kvikmyndatakan er nokkuð venjuleg fyrir spennumynd og hasar en inn í söguþráðinn eru skeyttar inn svokallað "flashback" eins og þættirnir Lost byggjast mikið upp á. í þessum "flashbacks" fær áhorfandinn að kynnast hvað gerðist áður en New York var sett í sótthví.

Will Smith hefur alltaf verið einn af mínum leikurum sem ég held mest upp á. Leikræn túlkun hans í myndinni er mjög skemmtileg og í raun sýnir að hann getur vel leikið í grínhlutverki eða í dramahlutverki eins og ég myndi flokka I am Legend undir.

Að lokum mæli ég með fyrir þá sem ekki hafa séð myndina að fylgjast vel með smáatriðum í myndinni. Mikið af atriðum í myndinni eru útskýrð þannig. Af hverju eitthvað er eins og það er o.s.frv. Þetta gildir í raun líka fyrir þá sem hafa séð hana. Skoða smáatriðin :)  

I am Legend fær þess vegna 3 og hálfar stjörnur frá mér. Þetta er mynd sem  

Mín eigin smáborg á netinu

Rakst í gær á skemmtilega síðu þar sem ég bý til mína eigin smáborg. Með því að smella á eftirfarandi linka er hægt að bæta við íbúðartölu, auka við verslun og bæta samgöngur :D

http://poo-easttown.myminicity.com/ = íbúðartölu

http://poo-easttown.myminicity.com/ind = verslun og iðnaður

http://poo-easttown.myminicity.com/tra = samgöngur

Góða skemmtun ... endilega stofnið svo ykkar eigin borg.

Lýsing á gamlárskvöldi eða Þjóðhatíð?

Fæ tilfinninguna um að viðkomandi blaðamaður sé að upplifa Þjóðhátíðarfílinginn.

„[...]heimamenn fagna því með því að bjóða ferðamönnum inn á heimili sín, gefa þeim heitt að drekka[...]". Gestum er boðið inn í hvítu tjöldin og fá lunda, kaffi eða annan varning.

 „[...]kveikja varðelda og  ærslast um í álfabúningum[...]". Kveikja í tjöldunum sínum og ganga um í lopapeysum (allavega einhverjir).

 „[...]Alveg eins og í Hringadróttinssögu[...]". Fyllerís ruglið sem fylgir svona hátíð, þ.a.s. slagsmálin og bardagarnir.

Haha gaman að þessu :P 

Íslendingar í álfabúningum?

Skora á íslendinga

Alveg gott og gilt að hreina upp flugeldarusl af götunum en það er óþarfi að skora á björgunarsveitir til þess að taka upp flugeldasorpið af götum borgarinnar. Þetta eigi alveg að falla undir hvern og einn einstakling að þrífa upp eftir sjálfan sig. Flestar björgunarsveitir keyra um sitt bæjarfélag eða svæði og týna upp jólatré og er það tímafrek vinna.

Skora þess vegna alla landsmenn og björgunarsveitarfólk til þess að hirða upp flugeldasorpið kringum sitt hús og jafnvel í sínu nánasta nágrenni.

Skorað á björgunarsveitirnar

Kvikmynd: The Moguls

Ég hef af og til skrifað kvikmyndagagnrýni um allskonar kvikmyndir, bæði sem eru í bíó og komnar út á DVD . Hinsvegar hef ég ekki birt þær á alnetinu í mörg ár. Aðalega notað þær til þess að þjálfa mig upp í greinaskrif og annað. Kvikmyndagagnrýnin mín er yfirleitt vel tekin af þeir sem spyrja mig, enda hef ég litlar væntingar gagnvart flestum kvikmyndum. Það kemur þó fyrir og þá getur gagnrýnin orðið verulega hörð sem er í raun bara í lagi.
Í kvöld keypti ég mér myndirnar "The Moguls" og "Even Money" úr 48DVD safninu. Báðar myndir voru góðar á sinn hátt. Hinsvegar langar mér að birta smá umfjöllun um The Moguls. Til gamans geta hafði ég engar sérstakar væntingar gangvart þessum myndum.

The Moguls (The Amateurs, bandríski tiltillinn) kom út árið 2005 og í fyrstu hljómar sem einskonar B-mynd þrátt fyrir að hafa góða og þekkta leikara eins og Jeff Brigdes, Ted Danson, Joe Pantoliano og William Fichtner. Hér er á ferðinni frábær satíra stútfull af gríni og kaldhæðni sem held ég að flestir eiga eftir að fíla í botn.

Myndin fjallar um vinahóp sem reynir og reynir að finna sér eitthvað sem þeir getað grætt verulega á. Ákveðið er að búa til saklausa klámmynd. Verkefnið er ekki eins auðvelt og þeir upphafla halda og er gaman að fylgjast með hvernig þetta verkefni þeirra fer.

Persónurnar eru allar mjög ólíkar á sinn hátt þrátt fyrir að eiga eitt sameiginlegt, að vera ósköp venjulegt fólk sem búa í bandarískum smábæ. Lifa einföldu lífi og reyna sitt besta að vera gott fólk. Andy (Jeff Bridges) er fráskilinn og þarf að horfa upp á son sinn lifa með ríkum stjúpföður sínum. Þetta fer svolítið fyrir brjóstið á honum og vill endilega gera betur. Hann er sem dæmi aðilinn sem fær þessa skrítnu hugmynd um að framleiða klámmyndina.

The Mogules er bráðskemmtileg kvikmynd og mæli ég svo sannarlega með þessari mynd. Myndin fær frá mér 3 og hálfar stjörnur.

Flugeldafárið

Þann 28. desember opna flugeldasölur landsins. Björgunarsveitirnar hafa síðustu vikur verið á fullu að skipuleggja sölustaði sína á meðan þeir seldu jólatré til almennings með góðum árangri, enda seldust flest tré upp.

Flugeldasalan er stærsta fjáröflun björgunarsveita. Með þeim pening geta sveitirnar keytp nauðsynlegan búnað og tæki til þess að vera klárir í slaginn þegar á sveitirnar reynir. Í desember sem dæmi gekk yfir mikið óveður allstaðar á landinu og voru björgunarsveitarmenn að stöfum nánast í 5 sólahringa víðsvegar um landið.

Margir einkaaðilar hafa síðustu ár verið að stækka sínar sölur til muna og veita Björgunarsveitum og góðgerðafélögum stranga samkeppni. Persónulega finnst mér það í raun allt í lagi, enda staðreynd að þeir selja sína flugelda aðeins ódýrari og gerir það að verkum að allir hafa möguleikan á að versla sér flugelda. Hinsvegar finnst mér alveg út í hött þegar einkaðilar eru að gera allt til þess að líkjast björgunarsveitarstöðum, eins og gert var í fyrra. Þá með að vera í svipuðum einkennisfatnaði og setja upp sölur á sama stað og björgunarsveitir eru með sínar.

Margir einstaklingar hafa talað um að Björgunarsveitir eigi að fá einkaleyfi fyrir flugeldasölu á landinu og er ég á móti þeirri hugmynd. Það á ekki að neyða neinn til þess að kaupa flugelda af ákveðnum einstaklingum eða hrinda samkeppninni út úr markaðinum. Hinsvegar er það staðreynd að landsmenn treysta björgunarsveitum landsins og fara gjarnan til þeirra og versla.

Gleðileg jól, farsælt komandi ár og farið varlega þegar þið skjótið upp flugelda :)

Gleðileg jól

Óska öllum Gleðilegra jóla og farsælt komandi ár. Þakka fyrir samveruna á liðnu ári og sjáumst hress og kát á nýju ári :)

kv. Daníel Sigurður

Áramótaheiti 2007 náð ... útskrifaður úr framhaldsskóla

Á föstudaginn var útskrift úr Fjölbrautaskólanum við Ármúla í Háskólabíói og það besta við þetta allt saman er að ég var sjálfur að útskrifast. Hvíta húfan ... loksins. Óendanlega sáttur og ánægður með sjálfan mig :) Einnig óska ég öllum sem útskrifuðust í gær eða eiga eftir að útskrifast innilega til hamingju með áfangan. Þið getið verið mjög stollt af ykkur.

Ég fékk 7,25 í meðaleinkunn og einkunnir voru:

• Danska 202 = 8
• Danska 212 = 7
• Íslenska 403 = 7
• Íslenska 503 = 6
• Stærðfræð 202 = 8
• Eðlis- og efnafræði (nát123) = 8
• Enska 503 = 7
• Íþróttir 111 = 7

Hef ekki oft verið með svona góðar einkunnir á lokaprófi þannig ég er óendalega sáttur með árangrinn.

Þekka fyrir mig ... gleðileg jól og farsælt komandi ár :)

Sorglegur atburður þá, sorglegur atburður núna

Þegar sprengjan sprakk í Omagh árið 1998 var ég nú það ungur að svona fréttir höfðu nú ekki mikil áhrif á mig. Eiginlega vissi ég ekki af þessum atburð fyrr en í fyrra þegar ég var í áfanga sem ber nafnið SAG403 eða Kvikmyndasaga. Þar horfðum við á myndir sem gerðar hafa verið eftir sprengjutilræði, borgarastyrjaldir eða allt sem hefur haft áhrif á heiminn.Tókum fyrir Írland, Bosnía og Sarajevo, Afríku og Suður-Ameríku. Horfðum á myndir eins og "Welcome to Sarajevo", "Salvador", "In the name of the Father", "Carla's Song" og "Omagh" sem dæmi.

Flestar þessar myndir fjölluðu um ein ákveðinn einstakling sem raunverulega upplifði atburðina eins og t.d. í Omagh. Þar missti fjölskylda son sinn í tilræðinu og myndin gekk út á það að faðir hans var að berjast fyrir því að aðilarnir sem stóðu baki við tilræðið myndu fá sína réttláta meðferð fyrir vikið. Sáum svo sem miklu betri myndir hvað varðar spennu og annað en Omagh sýndi meira svona drama hlutan allan tíman. Mæli með þessari mynd svo sem og allar hinar líka.

Nú er spurning hvort baráttan sem faðir hans byrjaði með sé til einskis?

Sýknaður af morðákæru vegna Omagh

Tilgangslaus færsla um sjálfan mig

Einu sinni héldu allir að jörðin væri flöt. Einu sinni héldu allir að jörðin sé í miðju alheimsinns. Mannkynið hefur þróast mikið frá plötukenningunni eins og ég vill kalla hana. Hinsvegar ætla ég ekki að blogga um sögu á neinn hátt, bara gaman að byrja færsluna svona enda snýst þessu færsla algjörlega um mig. HAHAHA inn í þitt andlit! (btw. beinþýtt úr enska frasanum in your face)

Já það er 18. desember 2007. Það eru 6 dagar til jóla og ég hef ekki losnað við þetta glott á andlitinu á mér núna í nokkra daga. Afhverju? Nei ég er ekki furðulega ánægður með að jólin séu að koma, reyndar kannski örlíti. Nefnilega á ekki neinn pening til þess að eyða í jólagjafir, þannig ég er löglega afsakaður frá jólagjöfum í ár, þótt ég myndi alveg vilja gefa einhverja pakka. Allavega ... ég náði öllum mínum prófum í þetta skiptið og er staðan sú að drengurinn er að útskriftast úr framhaldsskóla. Loksins. Eftir þvílíkan lærdómsherferð og óhugnalega mikið stress og svefnleysi tókst manni loksins að galdra fram hvíta húfu, ánægða foreldra og eitt stykki pappír þar sem stendur að ég hafi útskrifast. Á samt eftir að fá svona í hendurnar. Fær maður svona plagg hvort sem er? Veit ekki, alveg sama.

Meira gott, ég byrjaði í nýrri vinnu í dag. Er búinn að planta mér niður í mbl sjónvarpinu og mun láta ljós mit skína þar þangað til þessi frábæri einstaklingur fer í frekari nám. Fjölmiðlafræðin situr efst á blaði og hver veit nema maður hendir sér út í djúpu laugina og fer til Dublin, Írland  og lærir þetta þar. Gaman gaman :D

Þetta ætti að duga í bili. Ég er þreyttur, meiddur og horfi slefandi á rúmið mitt *slef*. Góða nótt elsku gestir :) Sofið rótt í alla nótt.