Wuhhuuu :D

Til hamingju handritshöfundar ... þetta tók tíma en þetta tókst. Nú geta þáttafíklarnir fengið sína uppáhalds þætti á ný :D:D:D

Handritshöfundar sömdu

Endalaus eltingaleikur?

Hvað er að gerast. Völvan hafði rétt fyrir sér. Villi fór, dagur kom, dagur fer og óli kemur í staðinn. Svo kemur Villi skríðandi tilbaka í lokin. Eins og einn sambloggari skrifar um "Tag your it!" Hahah

Hvenær endar þetta póitísk hringavitleysa???

Ólafur og Vilhjálmur stýra

Brúðguminn (2008)

Ég kíkti einmitt um helgina á nýjustu mynd Baltasars, Brúðguminn. Ég hafði gert mér ákveðnar væntingar eftir að hafa séð myndbrotið. Þrátt fyrir að þessar væntingar mínar höfðu ekki verið uppfyllt nema að hluta skemmti ég mér þokkalega vel á myndinni. Væntingar mínar voru aðalega gangvart húmorinum sem átti að vera í myndinni. Myndin ber einkenni eins og flestar íslenskar kvikmyndir. Sýna okkur daglegt líf manna í tilvístarkreppu. Aftur á móti var ég ánægður með framsetninguna á persónunum og hlutverki og þá sérstaklega á kvikmyndatöku og frágang myndarinnar.

Myndin fjallar um Jón Jónsson kennara og gerist myndin í raun á tveimum sólarhringum, þótt að umfjöllunarefni myndarinnar sé 2 til 3 ár. Myndin gerist í Flatey en einnig í Reykjavík. Jón er að gifta sig í annað sinn og er unnusta hans miklu yngri en hann sjálfur. Ekki eru allir sáttir með brúðkaupið og þá sérstaklega tengdaforeldrar Jóns. Jón hefur hinsvegar mikið að hugsa um fortíðina og hvernig allt á eftir að ganga.

Húmorinn skín í gengum myndina með ýmsum hætti sem best er að þú komist að á eigin vegu. Það sem heillaði mig hvað mest var sögusviðið á Flatey og þessi einangrun þar sem allir þekkjast mjög náið og engin næstum engin leyndarmál eru.

Ég mæli með þessari mynd en það þarf svolítið að setja sig inn í einstaklinga og atburði til þess að ná fullkomnum skilningi á aðstæðum. Ég gef þessari mynd 3 stjörnur.

Góð aðsókn á Brúðgumann

Meinlausari??

Eins og svo margir aðrir mbl bloggarar eru búnir að benda á er þessi frétt svo sannarlega villandi. Sjálfur hef ég orðið fyrir barðinu á ofurölvuðum einstaklingi en það leysist nokkuð vel. Ég var einfaldlega að sækja jakkan minn á NASA og einhver var óhress með að ég stóð þarna fyrir framan honum. Að öðru leyti þekki ég marga sem hafa orðið illa út úr tilefnislausum slagsmálum. Ég segi að ef maður lendir í svona einstaklingum er aðeins tvær leiðir út úr svona, lætur þig hverfa úr bænum eða endar upp á slysadeild. Oftar er fólkið undir áhrifum fíkniefna en ofurölvun, þó það eigi ekki alltaf við.

Fagna hinsvegar aukinni löggæslu í miðbænum. Hinsvegar mætti dreifa þeim betur um miðbæinn. Fréttir hafa sýnt sig að brot á lögreglusamþykktum og stórum slagsmálum hefur verulega minkað. Hinsvegar er meira um svona inn á stöðunum. Fagna einnig að staðirnir eru farnir að taka upp gagnabanka með þekktum slagsmálahundum. Vona að það skili árangri.

Hinsvegar er ég sammála frumvarpinu um að koma áfengi í verslanir. Það á samt ekki að neyða neinn verslunareigandi til þess að selja áfengi. Þetta eigi að vera ákvörðum búðarinnar hvort þeir vilja selja áfengi eða ekki. Vínbuðirnar ættu þó að starfa áfram eins og þær hafa gert. Það verður örugglega aukning á sölu en það jafnast út með tímanum.

Drykkjusiðir Íslendinga orðnir meinlausari

Nú spyr maður sig ...

Hver einasta frétt um kosninga í löndum utan Evrópu tengjast alltaf svindl og mótmæli. Það er langt síðan ég hef heyrt fréttir af kosningum þar sem meirihlutinn var sáttur með úrslitin. Flestar fréttir eru bara af mótmælum og blóðsúthellingar hér og þar. Hvað er í gangi?

Þúsundir mótmæla í Georgíu

Ölvun ógildir miðan, eða hvað?

Í 24 stundum í gær, 4. janúar, var fjallað um unglingadrykkju á skólaböllum framhaldsskólana. Ég er sammála þessari grein að mestu leyti. Hinsvegar vill ég þó deila með ykkur minni reynslu á þessum málum og þar að leiðandi bæta við umræðuna.

Á síðustu árum hafa skólayfirvöld hert verulega á þessum vanda og gert ákveðnar ráðstafanir eða refsað aðilum sem hafa verið með læti eða undir áhrifum sem ég tel vera mjög gott.

Ég get þó ekki verið sammála ýmsu. Talað er um sjúkragæslu Rauða krossins og þeirra hlutverk um að gæta ofurölvaða nemenda. Þótt að meðlimir sjúkragæslunar sjá um að sinna þeim málum, eru þeir þó oftast kallaðir til vegna slysa og öðrum óhöppum. Sjálfur hef ég verið í sjúkragæslu og haf flest atvik komið upp vegna reykingar inn á staðnum og ýmiskonar óhöpp nemenda. Ölvuðum nemendum er auðvitað sett í svokallað "dauðaherbegi" (á þjóðhátíð er fólk sett í "dauðagáminn" t.d.). Dauðaherbegið er yfirleitt sama herbegi og gæslan / sjúkragæslan notar undir sína starfsemi. Einu sinni lentum við í því að einn gesturinn er að með hótanir í garð gæslunar vegna ölvunar og slagsmála. Málin enda þannig að móðir drengsins kemur í hús og hundskammar drenginn sinn fyrir framan okkur, dregur hann út á eyrunum og þakkar okkur fyrir að hringja í sig.

Á síðustu 10 árum eða svo hefur ballmenning menntaskólana breyst verulega. Áður fyrr gat nemendafélag fengið styrk frá áfengsbirgjum og framleiðendum. Áður fyrr var reglan "Ölvun ógildir miðan" sett á alla aðgöngumiða í eins litlu letri og hægt er og hunsað. Mikið var um drykkju og skemmtun. Þó var lítið um slagsmál og vandræði. Það hófst ekki almennilega fyrir en nokkru seinna. Auðvitað kom alltaf upp smá vandamál en það varð ekki áberandi slæmt fyrir en um þremum árum síðan eða svo. Í dag hafa skólayfirvöld föst tök inn í skólaböll nemendafélaga. Það gilda ákveðnar reglur sem þarf að fylgja og ef það er ekki gert á það von á refsingu, sem getur verið allt frá bann á næsta balli til brottvísun úr skólanum. 

Hvað varðar að auka atburðum innan veggja skólans er ég alveg mjög sammála um. Maður á auðvitað að reyna að nýta sér þá aðstöðu sem viðkomandi hefur undir höndum. Þrátt fyrir það á ekki að þvínga einn eða neinn til þess að gera eitthvað. Gengur bara ekki þannig.   

Eins og ég sé þetta vera þurfa foreldrar og forráðamenn að sinna börnum sínum mun meira en þau gera. Alltaf ef eitthvað kemur upp á er hringt í skólan og kvartað. Skólinn á ekki að þurfa að kenna öll gildin í samfélaginu, foreldrar eiga að mínu mati að kenna sínum börnum rétta meðhöndlun áfengis og réttu gildin hverju sinni. Ekki bara henda þeim í skólan og ætlast til að fá rétt uppalið barn í lok skólaársins. Það virkar ekki þannig.

Týndur síðan á þriðjudagsmorgni??

Strákurinn búinn að vera týndur í nokkra daga og fyrst núna farið að lýsa eftir honum. Reyndar er erfitt að fara í leit þegar ekki er vitað um mögulega staðsetningu. Vonandi finnst hann sem fyrst.

Lýst eftir 15 ára pilti

Kvikmynd: I am Legend

I am Legend segir sögu Robert Neville (Will Smith) og tilraun hans til þess að lækna veiru sem eyddi 99% af mannkyninu árið 2009. Eitt prósent, þeir sem smituðust ekki, féllu fyrir hópi stökkbreytra manna sem lifa í myrkrinu. Þessar veirur hafa tapað öllu því sem við köllum mannlegt og eru samblanda af uppvakningum og vampírum. Neville býr og vinnur í New York en þar átti veiran upptök sín.

Umhverfi myndarinnar er New York árið 2012 og er borgin náttúrulega illa farin. Bílar út um allt, rusl og  plöntur standa upp úr götum borgarinnar. Mjög friðsamlegt er á daginn en um leið og sólin sest koma fram skeppnurnar hræðilegu sem Neville reynir að nota undir rannsóknir á mótefni gagnvart veirunni.

Myndin er samblanda af Spennu, hryllingi, gríni, vísindaskáldskap og dramatík. Myndin sýnir okkar rómantíska og fallega mynd af einmannleika. Barátta manns til þess að halda vitinu í lagi er sterk og aðferðirnar við að viðhalda því eru sýndar hér á mjög fróðlegan og skemmtilegan hátt. Sjaldan hef ég séð eins góða túlkun á einmannleika eins og í þessari kvikmynd.

Kvikmyndatakan er nokkuð venjuleg fyrir spennumynd og hasar en inn í söguþráðinn eru skeyttar inn svokallað "flashback" eins og þættirnir Lost byggjast mikið upp á. í þessum "flashbacks" fær áhorfandinn að kynnast hvað gerðist áður en New York var sett í sótthví.

Will Smith hefur alltaf verið einn af mínum leikurum sem ég held mest upp á. Leikræn túlkun hans í myndinni er mjög skemmtileg og í raun sýnir að hann getur vel leikið í grínhlutverki eða í dramahlutverki eins og ég myndi flokka I am Legend undir.

Að lokum mæli ég með fyrir þá sem ekki hafa séð myndina að fylgjast vel með smáatriðum í myndinni. Mikið af atriðum í myndinni eru útskýrð þannig. Af hverju eitthvað er eins og það er o.s.frv. Þetta gildir í raun líka fyrir þá sem hafa séð hana. Skoða smáatriðin :)  

I am Legend fær þess vegna 3 og hálfar stjörnur frá mér. Þetta er mynd sem  

Mín eigin smáborg á netinu

Rakst í gær á skemmtilega síðu þar sem ég bý til mína eigin smáborg. Með því að smella á eftirfarandi linka er hægt að bæta við íbúðartölu, auka við verslun og bæta samgöngur :D

http://poo-easttown.myminicity.com/ = íbúðartölu

http://poo-easttown.myminicity.com/ind = verslun og iðnaður

http://poo-easttown.myminicity.com/tra = samgöngur

Góða skemmtun ... endilega stofnið svo ykkar eigin borg.

Lýsing á gamlárskvöldi eða Þjóðhatíð?

Fæ tilfinninguna um að viðkomandi blaðamaður sé að upplifa Þjóðhátíðarfílinginn.

„[...]heimamenn fagna því með því að bjóða ferðamönnum inn á heimili sín, gefa þeim heitt að drekka[...]". Gestum er boðið inn í hvítu tjöldin og fá lunda, kaffi eða annan varning.

 „[...]kveikja varðelda og  ærslast um í álfabúningum[...]". Kveikja í tjöldunum sínum og ganga um í lopapeysum (allavega einhverjir).

 „[...]Alveg eins og í Hringadróttinssögu[...]". Fyllerís ruglið sem fylgir svona hátíð, þ.a.s. slagsmálin og bardagarnir.

Haha gaman að þessu :P 

Íslendingar í álfabúningum?