Uff ... hvað er að ské?

Til að bæta við allar þessar neikvæðar blogg færslur sem hafa verið settar við þessa frétt, þá hef ég alltaf þegar ég hef flogið með Iceland Express lent í seinkunum. Meina jújú það er alltaf hægt að verða fyrir seinkunum en vá.

Fór til danmörku í ágúst í fyrra, vorum látnir bíða í fimm og hálfa klukkustund lengur. Þegar svo var komið til Billund voru rúturnar hættar að ganga og engin lest. Enduðum að taka leigubíl. Hefðum náð þessu ef þetta hefði ekki seinkað.
Ferðin heim frá danmörku í september í fyrra, bið í tvo tíma.
Fór til danmörku núna í júni. 40 min seinkun fyrst svo látnir dúsa aðra 40 min inn í vélinni útaf því þeir gátu ekki opnað vatnsinntakið á vélinni.
Ferðin heim frá danmörku í júlí síðastliðinn, klst í bið sem teygði sig í rúma 2 og hálfa tíma. Skýringin, ekki nóg og mikill mannskapur að þjónusta vélinna.

Fínt að fá ódýrara flugfar út í heiminn en þegar gæðin þurfa að dvína svona mikið er eitthvað að. Sérstaklega þegar annan hvern dag kemur ný frétt um seinkun og brjálaða farþega. Það er ekki svo mikill munur á Icelandair. held ég væri alveg til að greiða nokkra þúsundkalla innan skynsamlegum mörkum aukalega fyrir minna vesen, mat og afþreyingu :) EN það er bara ég :)

Fjöldi farþega Iceland Express bíður í Kaupmannahöfn

Athugasemdir

[Kolbrún Hilmars, 9.8.2008 kl. 13:52]

Lágfargjöld geta orðið lúxusfargjöld í reynd með svona seinkunum.  Á áfangastað þarf etv að kaupa taxa langar leiðir því lestirnar eru hættar að ganga, pantaða hótelherbergið hefur verið selt öðrum og kostar flæking og fyrirhöfn að finna nýja næturgistingu, hugsanlega á rándýru hóteli ef húsaskjól finnst þá á annað borð.  Að ég nú ekki nefni góða ferðaskapið sem hefur glatast í "forbifarten".

[Daníel Sigurður Eðvaldsson, 9.8.2008 kl. 14:33]

uff já ... hingað til hef ég nú ekki lent í þannig rugli. Nema hugsanlega þá miklum pirringi yfir að velja alltaf þetta flugfélag. Hef nú ekki orðið fyrir þannig sem betur fer. Eina skiptið sem ég hef verið að fara á hótel var í manchester fyrir þremum árum og þá var jú einhver seinkun á Iceland Express en ekki seinkun sem maður kvartar yfir.

[Skattborgari, 9.8.2008 kl. 14:54]

Þetta er skelvilegt þegar fluginu seinkar svona og getur sett alla ferðina úr skorðum ef verið er að taka framhaldsflug eða lest eitthvað annað getur kostað tugi þúsunda að breyta ferðinni þannig að maður komist á áfangastað.

Kveðja Skattborgari 

[Daníel Sigurður Eðvaldsson, 9.8.2008 kl. 15:00]

já segðu félagi. Ef ég myndi lenda í svona vandræðum myndi ég vera snöggur að fara í flugfélagið og heimta að þeir greiði þetta upp. Hinsvegar hef ég alltaf bókað tengiflug sem leggur af stað aðeins seinna þannig ef ég lend í seinkun verður ekki stórmál úr því nema seinkunin er mikil. Reyndar þegar ég fór til Billund og rúturnar voru hættar að ganga enda komum við næstum 6 klst of seint til danmörku. Hefði átt að fara með leigubílanótuna til express en bara fattaði það ekki. En lét þetta ekki trufla ferðina mína :)

[Jón Bragi (IP-tala skráð) 10.8.2008 kl. 07:34]

Sælt veri fólkið.

Ástandið hjá IE virðist ekki vera gott en við megum heldur ekki gleyma því hvernig ástandið var áður en IE byrjaði að fljúga til og frá Íslandi og Flugleiðir voru einir um markaðinn. Eftir að IE kom til sögunnar þá hef ég verið að fljúga Köben/Stockholm til Keflavíkur fyrir 20-40 þús. ISK.

Til samanburðar má geta þess að þegar ég flutti til Svíþjóðar árið 1992 þá buðu Flugleiðir mér miða í mars þ.e. utan ferðamannatíma á 80 þúsund krónur. Með einhverju afsláttarbruggi var hægt að koma honum niður í 60 þúsund. Og þegar ég skýrði frá því að ég ætlaði bara að kaupa aðra leiðina þá fékk ég svarið; nei litli vinur, svoleiðis miða seljum við ekki. Kaupa báðar leiðir takk!

Á þessum tíma gat maður líka séð að Flugleiðir voru að bjóða flug milli Evrópu og Ameríku á mun minna verði en miðinn kostaði Ísland-Evrópa og að sjálfsögðu harðbannað að hoppa úr eða um borð í Keflavík. Þeir voru í harðri samkeppni þar við önnur flugfélög og létu okkur Íslendinga niðurgreiða Ameríkuflugið.

Ég þori ekki að hugsa þá hugsun til enda ef Flugleiðir fá aftur einokunaraðstöðu á flugi til og frá Íslandi.

[Daníel Sigurður Eðvaldsson, 10.8.2008 kl. 11:36]

Nei blessaður. Get alveg tekið undir það með þér að þegar IE kom á markaðinn snarlækkaði allt fluggjald og því var fagnað. Hinsvegar það sem ég er að hleyksla mig á er að eftir öll þessi ár er þjónustan að dvína hratt og eru þeir að safna sér upp pirraða viðskiptavini.

[Jón Bragi (IP-tala skráð) 10.8.2008 kl. 17:31]

Sæll aftur. Jú ég er alveg sammála því að ástandið hjá IE í dag er engan veginn viðunandi. Vildi bara minna á hvernig þetta var og hvað við getum átt von á ef FL fær einokunaraðstöðu aftur. Við megum þá örugglega búast við því að þurfa að kaupa miðann til Evrópu á svona 100 þús. kall.

Sjálfur varð ég áþreifanlega var við það þegar ég flaug til Ísl. í sumar að ekki var allt með felldu. Ég sat í miðri vél og þegar veitingavagninn kom að minni röð þá var allt ætilegt búið og flugfreyjurnar byrjaðar að útbýta mat úr sínum eigin nestisboxum. Flugfreyjan kom með tvær rúgbrauðssneiðar með osti í plasti og réttir að manninum við hliðina á mér. Lítur síðan á mig og segir: "Eruð þið kannske að ferðast saman"? Við svöruðum að svo væri ekki. "Ég var nefnilega að pæla, að þá gætuð þið skipt þessu á milli ykkar. Þetta var nefnilega það allra síðasta". Ég gerðist höfðinglegur og afþakkaði það, en þegar maðurinn var búinn að taka upp sneiðarnar spurði hann mig hvort ég vildi örugglega ekki aðra sneiðina og stóðst ég þá ekki það ágæta boð enda hafði ég ekkert borðað nema um morguninn.

Vil taka það fram að framkoma starfsfólks var óaðfinnanlegt og mér finnst það höfðinglegt af þeim að gefa af sínum eigin mat. Þær eiga eflaust enga sök á ástandinu. Brauðið var ókeypis og boðið uppá drykk með.

[Daníel Sigurður Eðvaldsson, 10.8.2008 kl. 17:51]

já ég trúi því vel að allt getur farið í gamla farveginn ef IE hverfur af markaðinum og ég svo sannarlega vona að það gerist ekki.

Hvað varðar starfsfólkið um borð í vélunum þá er ég alveg sammála þér Jón Bragi. Þeir bera nú enga sök á seinkunni og væri rangt að gangrýna þetta yndislega fólk. Fólk er oftast mjög fljótt að láta reiðina út á starfsfólkinu. Sjálfur tók vel eftir því þegar ég vann hjá Áskriftardeild Morgunblaðsins. Maður fékk að heyra það svo sannarlega að viðkomandi sé pirraður og hljómaði eins og sökin voru hjá mér.

Þjónustan um borð er væntanlega það sem lætur mig kaupa flugmiðan hjá IE og læt mig alveg hafa það ef ég næ góðu verði hjá þeim :)

En það sem skellir neikvæðis stimplinum á þetta er jú þessar langar og endalausar seinkanir sem því miður fer hvað verst í fólk, enda er skapið stutt þegar maður missir af tengiflugi, hótelinu sínu eða síðustu rútunni. Síðan er ekkert sérstaklega gaman að dúsa í flugstöðinni endalaust heldur. Seinkunin sem varð þegar ég var að koma heim frá danmörku var útaf því það voru ekki nægilegt starfsfólk á vellinum til að koma farangrinum um borð áður en vélin lagði af stað. útaf því fengum við að bíða 40 min í vélinni. Einn flugþjóninn í vélinni bauðst til að fara út og aðstoða ef þetta tæki ennþá lengri tíma.