Barack Obama 44. bandaríkjaforseti

Barack Obama sór fyrir stuttu embættiseið sinn í Washington sem 44. forseti Bandaríkjana. Smávægileg vandræði með embættiseiðinn mátti heyra í fyrstu en dómarinn sneri óvart einu orði við sem sló Obama örlítið úr af laginu samkvæmt fjölmiðlum vestanhafs. Fagnaðarlæti brutust út um leið og mátti sjá að menn og konur í tárum við þinghúsið og víðar, enda er þetta stór dagur í sögu Bandaríkjana.

„Þið skuluð hafa það hugfast að Bandaríkin eru vinur allra þjóða, allra karla, kvenna og barna sem hafa frið og mannvirðingu að leiðarljósi, og við erum reiðubúin að leiða á ný“, sagði Obama í ræðu sinni en einnig talaði hann um efnahagsmál þjóðarinnar og sagði þjóðinni að þær áskorarnir sem þjóðin stæði frammi fyrir væri raunveruleg, en sagði við bandarísku þjóðina að hann muni takast á við þær áskoranir sem til staðar eru og koma skal. Einnig ítrekaði hann það að beita valdi sínu að skynsemi.

Fyrir embættistöku Obama sagði presturinn Rick Warren í bæn sinni: „Við vitum í dag að Martin Luther King og mörg vitni eru að hrópa af gleði í himnaríki", en með þessu er hann að vísa í réttindabaráttu blökkumanna sem í dag hefur unnið stórsigur ef marka má umræðu síðan hann sigraði forsetakosningarnar 4. nóvember í fyrra.

Talið er að um tvær milljónir manna hafi verið viðstödd embættistökuna í Washington og höfðu flestir verið að bíða þar síðan snemma um morgunin. Samkvæmt Fjölmiðlum vestanhafs hefur verið mikið álag á samgöngukerfi borgarinnar og mynduðustu langar biðraðir við lestarstöðvar borgarinnar. Mikið af heiðursgestum voru viðstaddir embættistökuna, en fyrir utan alla núlifandi fyrrverandi forseta Bandaríkjana og varaforseta voru einnig stórstjörnur og þekkt andlit á borð við Aretha Franklin, leikararnir Dustin Hoffman, Denzel Washington og leikstjórinn Steven Spielberg svo eitthvað sé nefnt.

Mikill viðbúnaður hefur verið í Washington í dag en sjá mátti lögreglumenn, öryggisverði og þjóðvarðliðum á götum borgarinnar, við þinghúsið og helstu stjórnarbyggingum í Washington. Stór hluti miðborgarinnar hafði verið lokað og var öll bílaumferð bönnuð um svæðið.

George W. Bush, nú fyrrverandi forseti Bandaríkjana, og einginkona hans flugu stuttu eftir að athöfninni lauk með þyrlu burt frá höfuðborginni í eftirlaun. Fyrir Obama bíður hinsvegar mikil vinna, en fyrir utan það að koma sér fyrir í Hvíta húsinu bíða auðvitað mörg mál sem hann þarf að takast á við eins og fjármálakreppuna sem hefur komið illa niður á marga bandaríkjabúa eins og víðast annar staðar.

-----------

Greinin var skrifuð fyrir landpostur.is, fréttavef Fjölmiðlafræðinema við Háskólann á Akureyri. Fréttin birtist þann 20. janúar 2009 kl 17:55

Þingmenn og mótmælendur takast á

Mikill hiti er hjá þingmönnum fyrir innan veggja Alþingis og að sama skapi hjá mótmælendum fyrir utan. Talið er að um 2.000 manns séu nú að mótmæla og er barið á glugga, slegið á trommur og blásið í lúður. Inn í þingsal hefur hefur heldur ekki haldist mikill friður en í upphafi þingfundar lýsti Steingrímur J. Sigfússon, formaður VG, furðu sinni yfir því að ekki skildi ræða um stöðu efnahagsmála á fyrsta fundi eftir jólahlé, en heldur ræða um sölu brennivíns.

Ögmundur Jónasson, þingmaður VG, gagnrýndi einnig ríkistjórnina og sprðurði m.a. hvenær ætti að kjósa nýtt þing með raunverulegt umboð, þar sem ríkistjórnin hafi sýnt sig vanhæfa til að gæta hagmuna þjóðarinnar. Í kjölfarið komust á hörð orðaskipi milli Geirs H. Haards, forsætisráðherra, og Ögmundar sem m.a. grein ítrekað fram í svari Geirs sem sagði m.a. að ríkisstjórnin hafði meirihluta Alþingis bakvið sig.

Á sviðuðum tíma og hitinn fyrir innan veggja Alþingis var sem hæst, ókst einnig mótmæli fólks fyrir utan þingið. Rétt fyrir kl 14 beitti svo Lögreglan piparúða gegn mótmælendur í Alþinigsgarðinum og hefur allt að tugur manns verið handteknir samkvæmt fréttum Ríkissjónvarpsins.

Samkvæmt fréttum á mbl.is eru mótmælin að ná ákveðnum suðupunkti. Lögreglan hefur nú beitt í piparúða á mótmælendur í nokkur skipti og eru sjúkrabílar við þinghúsið og veita mótmælendum aðhlynningu. Mótmælendur hafa kastað skyri, mjólk og eggjum í lögreglumenn á staðnum en talið er að hátt í annað hundrað lögreglumanna séu nú við störf við þinghúsið, flestir klæddir óeirðabúninga.

-----------

Greinin var skrifuð fyrir landpostur.is, fréttavef Fjölmiðlafræðinema við Háskólann á Akureyri. Fréttin var birt fyrst 20. janúar 2009 kl 16:05

Myndin sem prýðir þessa frétt er fengin úr frétt mbl.is og tók Júlíus Sigurjónsson myndina.

Námsmenn mótmæla skerðingu í menntakerfinu

Hátt í þrjú hundrað manns tóku þátt í mótmælagöngu frá Samkomuhúsinu að Ráðhústorginu á Akureyri klukkan þrjú í dag samkvæmt Lögreglunni á Akureyri, en yfirlýstur tilgangur göngunnar var að mótmæla skerðingu í menntakerfinu. Á fundinum ávarpaði Ragnar Sigurðsson, formaður Félags stúdenta við Háskólann á Akureyri hópinn og las meðal annars upp úr bréfi sem helstu stúdentahreyfingar landsins sendu á menntamálanefnd Alþingis seint á síðasta ári.

Þær hreyfingar sem um ræðir eru meðal annars Stúdentaráð Háskóla Íslands, Stúdentaráð Háskólans í Reykjavík, félag stúdenta við Háskólann á Akureyri, Listaháskóli Íslands, Stúdentafélag Háskólans á Hólum, SÍNE og Samband Íslenskra framhaldsskólanema. 

Fundarmenn tóku undir kröfum hreyfingarinnar og kröfðust þess að hlúið verði áfram að menntakerfi þjóðarinnar og að stjórnvöld taki höndum saman við að byggja upp samfélag grundvallað af þekkingu, jafnrétti, félagslégu réttlæti og manngildi eins og fram kom í bréfi þeirra. Fundargestir tóku að lokum saman höndum til að strika undir þessar kröfur.

Stúdentahreyfingar landsins hafa miklar áhyggjur af því að framtíðarhagur og velferð umbjóðenda sinna gleymist í rokinu og sjái því frekar hag sinn að flytjast af landi brott miðað við þær aðstæður sem nú eru hér á landi. Óskað er eftir því að þjónustustig LÍN verði ekki skert, að ríkið og LÍN endurskoði grunnframfærslu og reikni hana út miðað við raunverulegt verðlag nauðurfta í þjóðfélaginu og að LÍN taki upp mánaðalegar greiðslur. 

Ragnar minntist einnig á 3. grein laga um Lánasjóð íslenskra námsmanna þar sem segir: „Miða skal við að námslán samkvæmt lögum þessum nægi hverjum námsmanni til að standa straum af náms- og framfærslukostnaði meðan á námi stendur að teknu tilliti til fjölskyldustærðar námsmanns.“ Samkvæmt því sem kom fram á fundinum hafa stjórnvöld ekki staðið við þetta í þó nokkur ár og bætir Ragnar við: „Hugsið ykkur, þetta er lán. Við erum ekki að biðja um neina ölmösu, við þurfum að greiða þetta til baka.“

„Hingað til höfuð við unnið með skóla til þess að brúa bilið en nú hafa fjölmargir misst þær hlutavinnur sem þeir hafa haft.“, sagði Ragnar en í því samhengi benti hann á að námsmenn fá að meðaltali 85.000 kr. á mánuði miðað við fulla námsframvindu. Miðað við að 44 fermetra íbúð á stúdentagörðum kostar á bilinu 60 - 70.000 kr á mánuði og fer hækkandi, enda er leiguverð tengt við vísitölu. „Án þess að vera dramatískur þá sér hver og einn að reikningsdæmið gengur ekki upp og fleirri og fleirri nemendur eiga ekki fyrir mat."

-----------

Greinin var skrifuð fyrir landpostur.is, fréttavef Fjölmiðlafræðinema við Háskólann á Akureyri. Fréttin birtist fyrst þann 17. janúar 2009 kl 21:23

Mótmælt undir nafnleynd

Síðustu vikurnar hafa mótmæli fólks verið efst á lista fréttamiðla landsins þrátt fyrir að stríðið fyrir botni miðjarðarhafs hafi nú aðeins fellt þeim úr sessi. Á það sem mér skildist 13 vikna tímabili hafa hundraðir manna komið saman á Austurvelli og Borgarafundum með það markmið að mótmæla ástandinu sem ríkir hérna. Það er alveg skiljanlegt hvað reiði fólks er mikil og það er alveg skiljanlegt að fólk vill breytingar. Ég vill þær líka.

Hef lendi vel verið stuðningsmaður mótmælenda þrátt fyrir að hafa ekki komist á útifundina sjálfur. Eina skiptið sem ég hafði virkilega tök á því að mæta endaði ég með að koma of seint og náði því aðeins að horfa á mennina skola matvæli af veggjum Alþingis. Þrátt fyrir slíkt athæfi og örfára riskinga við Austurvöll hafa mótmælin verið tiltölulega friðsamleg. Ástandið tók þó á sig nýja mynd þegar hópur fólks tók á skarðið og réðst í nafni lýðræðis inn í Banka, stofnanir, Alþingi og síðast Hótel Borg. Gott og gilt að heimsækja bankana og hafa smá læti en fjörið endar þegar aðilar vopnaðir steinum brjóta niður rúður eftir að verið neitað inngöngu inn á skrifstofur eða stofnanir.

Hápunkturinn náðist við Hótel Borg að mínu mati. Ráðist geng saklausum tæknimönnum sem einfaldlega sinna vinnu sinni og allt það í nafni Lýðræðis. Þetta hljómar meira eins og gerðu það sem ég vill annars færðu að kenna á því. Og auðvitað hvað gerðist, Lögreglan mætti á staðinn til að tryggja að ekkert fari úr böndum. Og hvað gerist þegar byrjað er að slíta í sundur útsendingarsnúrur, Lögreglan rýmir svæðið með valdi. Eftir að sprengjur springja og hljóma um allt portið sem án efa bætir varla ofan á álag löggæslumanna á staðnum er portið rýmt með valdi í óþökk mótmælenda. Það væri hægt að nota ágætis myndlíkingu, ef þú stríðir heimiliskéttinum þínum nógu lengi endar þú án efa á því að vera klóraður.

Á þessum degi hætti ég að styðja mótmælin og þar af leiðandi Hörð Torfason og Evu Hauks (hinsvegar var ég ánægður með að Hörður gagnrýndi aðgerðirnar og einnig grímuklæddu aðilana með litlum undirtektir sumra í hópnum reyndar).

En það sem hefur einkennt mikinn hluta af mótmælum og orðaskiptum á blogg og umræðuvefum er einfalt, margir (ég endurtek, margir, ekki allir) eru svo blindir af reiði og hatri að það horfir aðeins á eina hliðina en ekki báðar. Margir (ég endurtek aftur, margir, ekki allir) hafa notfært sér nafnaleynd á vefnum til að svívirða og hóta fólki öllu illu. Svo auðvitað kemur að því að vefirnir setji takmarkanir. Ég er fyrst og fremst að tala um aðgerðir mbl.is og núna síðast eyjunar. Ég reyndar er búinn að breyta eða lagfæra mína skoðun um aðgerðir mbl.is örlítið. Mér finnst aðgerðirnar góðar en hinsvegar óréttlátt að gjörsamlega loka á alla sem kjósa að nýta sér nafnleyndina því margir hverjir koma með góð innlegg í umræðuna. Því væri besta leiðin að leyfa þeim sem vilja að hindra það að fullt nafn birtist á vef sínum en réttar upplýsingar væru í gagnagrunni ef slík mál koma upp sem þessi aðgerð á greinilega að hindra.

Allavega þá bið ég hreinlega fólk um að mótmæla án þess að beita ofbeldi eða skemmdaverk. Við erum stödd á mjög erfiðum tíma og þurfum að vinna saman að lausn. Höldum áfram að þrýsta á stjórnmálamenn, höldum áfram að þrýsta fram breytingar og látum í okkur heyra á réttan hátt.

Hættulegt

Það er staðreynd að fjölmiðlamarkaðurinn á Íslandi er frekar lítill og kostar alveg gríðarlega mikið til að halda miðli á floti. Nánast hver einasti miðill hefur einhverntíman orðið gjaldþrota og sumir ekki bara einu sinni sem segir ýmsilegt. Nú þegar Jón Ásgeir hefur keypt fjölmiðlahluta 365 hf og þar með um 36% hlut í Morgunblaðinu er fjölmiðlamarkaðurinn á Íslandi orðinn breyttur og spurningar vakna um hlutdrægni eigenda á fréttaflutning.

Þegar Glitnir sökk í sjóinn tók ég mig til og horfði ég meira og betra á fréttatíma RÚV og Stöð 2. Það sem ég tók fyrst og fremst eftir var munur á flutningi stöðvana á Glitnismálinu. Stöð 2 flutti meira fréttir um hluthafa Glitnis og reiði þeirra á yfirtökunni. RÚV hinsvegar flutti sínar fréttir með tillit til þjóðarinnar og jafnt um hluthafa eins og ætti að gera.

Nú þegar eignarhald íslenskra fjölmiðla er búinn að minka verulega og trúveruleiki þeirra er nú undir árásum er spurning hvort og þá hvenær nýtt fjölmiðlafrumvarp, eins og búið er að ræða um, birtist á borðum alþingismanna. Sjálfur studdi ég ekki fyrsta frumvarpið en ef þetta frumvarp verður rétt sett og rökrétt getur það breyst auðvitað.

Rosabaugur Jóns Ásgeirs

:S :S :S

Samúð mín er sérstaklega hjá námsmönnum erlendis sem lenda já frekar illa í öllu saman :S Sjálfur ætlaði ég nú í nám til Írlands í september en er svo sem alveg sáttur með TOEFL vandræðin í sumar sem gerði það að verkum að ég komst ekki út. Er þó að reyna að koma mér í skiptinám (vonandi í sama skóla) en þegar það gerist ætti allt að vera komið í rétt lag.

Gríðarlegur vandi námsmanna

Óveður á Akureyri

Þegar ég vaknaði í morgun og leit út um stofuglugga minn sá ég bara grænt. Það er eitt stórt tré í garðinum, eða frekar sagt, það var stórt tré í garðinum hjá okkur.

Akureyringur í einn mánuð

Í gær kl 20 hafði ég verið Akureyringur í heilan mánuð og á allavega 35 mánuði eftir ef ekki lengra. Seinni skólavikan hófst í gær og er ég ótrúlega ánægður að vera hér fyrir norðan. Skólinn er frábær og hef ég náð að kynnast góðu fólki hér.

Vanalega hefur maður bara komið hingað einu sinni eða tvisvar á ári en eftir mánaða langa veru hér get ég sagt að maður sé mjög spenntur eftir framhaldinu. Gífurlega mikil breyting að fara úr Höfuðborginni og geðveikinni sem því fylgdi.

Nú bara leggjast yfir bækurnar og læra alla þessa fræði áfanga :)

Klúður og lausn á svipuðu strætó máli.

Svona stór verkefni þarf að hugsa vel út svo það gangi. Mig langar að vita hvaða afsaknir eru sagðar fyrir klúðrinu á þessu. Reyndar fannst Námsmannakortin sem borgin lét gera svo að námsmenn komust frítt í strætó vera frekar mikið klúður. Ekki það að ég hafi verið á móti þeim eða gagnrýna hugmyndina en hún var mjög góð og auðveldara námsmönnum ferðina mjög mikið. Svo líka hvetur þetta fólk í að nota almenningssamgöngur meira. Það sem ég á við þegar ég tala um klúður er prentun á rangdýrum spjöldum í kringum þessi kort. Var nú í nemendaráði þetta ár sem það var tekið í notkun og voru fjölmörg kort ekki sótt enda var það fólk sem var keyrandi, fjölskyldufólk og eldra fólk (ég var í fjölbraut).

Það sem mér fannst vera rétta lausnin væri að bjóða upp á þennan möguleika og leyfa þá krökkunum að fara á næstu Stætómiðstöð þar sem þeir kaupa sér þessi sér kort og miða, með staðfestingu um skólavíst frá skólanum. Þar myndu þeir afhenda passamynd af sér og prentað væri plastað pappakort með mynd, nafni og kennitölu ásamt gildistíma kortsins. Þar væri hægt að spara þvílíkan kostnað við að prenta út sérprentuð kort og ráða sérstakan eftirlitsmann til að gæta þess að enginn sé að misnota kerfið. Uppsetning á slíku kerfi væri auðvitað kostnaðarsamt til að byrja með en myndi spara miklu meira til lengri tíma, sérstaklega þar sem hægt væri að nota slíkan búnað í vanalegum strætórekstri. T.d. þá væri hægt að leysa af sérprentuðu kortin frá Strætó og fólk gæti þá hugsanlega valið sér gildistíma sjálft, bara kostar mismunandi mikið eftir lengd auðvitað.

Veit ekki en stundum finnst mér borgin ganga of snemma í verkefni án þess að hugsa betur í kringum þetta allt saman.

Smartkortakerfið klúðraðist

Er tímaflakk að verða að veruleika í ár?

Lengi hefur mannveran velt fyrir sér hvort tímaflakk eða "time travel" á góðri ensku sé í raun hægt eða verður einhverntíman að veruleika. Margar bækur og bíómyndir hafa verið gerðar kringum þessa hugsun og hefur trilogyan "Back to the future" þar sem táningurnir Marty McFly og prófessorinn Emmett Brown ferðast aftur og tilbaka í tímanum. Fljótt komast þeir nú að því að allt þetta flakk veldur bara vandamálum og hættu.

Í dag prófaði ég að leita á google upp orðinu "is time travel really possible?" og rakst á áhugaverða grein hjá The Independent sem var skrifuð þann 8. febrúar á þessu ári. Í stuttu er verið að segja frá tilraun sem er verið að vinna sem gæti mögulega gert tímaflakk að veruleika. Greinin má lesa hér http://www.independent.co.uk/news/science/the-big-question-is-time-travel-possible-and-is-there-any-chance-that-it-will-ever-take-place-779761.html. Mæli með að lesa þessa grein. Þetta er voðalega spennandi hugtak þrátt fyrir að ég hafi ekki mikla trú á að við getum einhverntíman farið fram og aftur í tíman og leiðrétt hitt og þetta.