Áramótaheiti 2007 náð ... útskrifaður úr framhaldsskóla

Á föstudaginn var útskrift úr Fjölbrautaskólanum við Ármúla í Háskólabíói og það besta við þetta allt saman er að ég var sjálfur að útskrifast. Hvíta húfan ... loksins. Óendanlega sáttur og ánægður með sjálfan mig :) Einnig óska ég öllum sem útskrifuðust í gær eða eiga eftir að útskrifast innilega til hamingju með áfangan. Þið getið verið mjög stollt af ykkur.

Ég fékk 7,25 í meðaleinkunn og einkunnir voru:

• Danska 202 = 8
• Danska 212 = 7
• Íslenska 403 = 7
• Íslenska 503 = 6
• Stærðfræð 202 = 8
• Eðlis- og efnafræði (nát123) = 8
• Enska 503 = 7
• Íþróttir 111 = 7

Hef ekki oft verið með svona góðar einkunnir á lokaprófi þannig ég er óendalega sáttur með árangrinn.

Þekka fyrir mig ... gleðileg jól og farsælt komandi ár :)

Sorglegur atburður þá, sorglegur atburður núna

Þegar sprengjan sprakk í Omagh árið 1998 var ég nú það ungur að svona fréttir höfðu nú ekki mikil áhrif á mig. Eiginlega vissi ég ekki af þessum atburð fyrr en í fyrra þegar ég var í áfanga sem ber nafnið SAG403 eða Kvikmyndasaga. Þar horfðum við á myndir sem gerðar hafa verið eftir sprengjutilræði, borgarastyrjaldir eða allt sem hefur haft áhrif á heiminn.Tókum fyrir Írland, Bosnía og Sarajevo, Afríku og Suður-Ameríku. Horfðum á myndir eins og "Welcome to Sarajevo", "Salvador", "In the name of the Father", "Carla's Song" og "Omagh" sem dæmi.

Flestar þessar myndir fjölluðu um ein ákveðinn einstakling sem raunverulega upplifði atburðina eins og t.d. í Omagh. Þar missti fjölskylda son sinn í tilræðinu og myndin gekk út á það að faðir hans var að berjast fyrir því að aðilarnir sem stóðu baki við tilræðið myndu fá sína réttláta meðferð fyrir vikið. Sáum svo sem miklu betri myndir hvað varðar spennu og annað en Omagh sýndi meira svona drama hlutan allan tíman. Mæli með þessari mynd svo sem og allar hinar líka.

Nú er spurning hvort baráttan sem faðir hans byrjaði með sé til einskis?

Sýknaður af morðákæru vegna Omagh

Tilgangslaus færsla um sjálfan mig

Einu sinni héldu allir að jörðin væri flöt. Einu sinni héldu allir að jörðin sé í miðju alheimsinns. Mannkynið hefur þróast mikið frá plötukenningunni eins og ég vill kalla hana. Hinsvegar ætla ég ekki að blogga um sögu á neinn hátt, bara gaman að byrja færsluna svona enda snýst þessu færsla algjörlega um mig. HAHAHA inn í þitt andlit! (btw. beinþýtt úr enska frasanum in your face)

Já það er 18. desember 2007. Það eru 6 dagar til jóla og ég hef ekki losnað við þetta glott á andlitinu á mér núna í nokkra daga. Afhverju? Nei ég er ekki furðulega ánægður með að jólin séu að koma, reyndar kannski örlíti. Nefnilega á ekki neinn pening til þess að eyða í jólagjafir, þannig ég er löglega afsakaður frá jólagjöfum í ár, þótt ég myndi alveg vilja gefa einhverja pakka. Allavega ... ég náði öllum mínum prófum í þetta skiptið og er staðan sú að drengurinn er að útskriftast úr framhaldsskóla. Loksins. Eftir þvílíkan lærdómsherferð og óhugnalega mikið stress og svefnleysi tókst manni loksins að galdra fram hvíta húfu, ánægða foreldra og eitt stykki pappír þar sem stendur að ég hafi útskrifast. Á samt eftir að fá svona í hendurnar. Fær maður svona plagg hvort sem er? Veit ekki, alveg sama.

Meira gott, ég byrjaði í nýrri vinnu í dag. Er búinn að planta mér niður í mbl sjónvarpinu og mun láta ljós mit skína þar þangað til þessi frábæri einstaklingur fer í frekari nám. Fjölmiðlafræðin situr efst á blaði og hver veit nema maður hendir sér út í djúpu laugina og fer til Dublin, Írland  og lærir þetta þar. Gaman gaman :D

Þetta ætti að duga í bili. Ég er þreyttur, meiddur og horfi slefandi á rúmið mitt *slef*. Góða nótt elsku gestir :) Sofið rótt í alla nótt.

**** og ***

Er þá ekki hægt að kæra bæklingana sem maður fær að lesa í flugvélunum?

Ritstjóri tímarits sektaður fyrir áfengisauglýsingu

Siðferði á netinu

Þar sem ég fæ hlut af tekjum mínum frá netinu góða hef ég mikið verið að hugsa um siðferði og hvað má og hvað ekki þegar unninn er heimasíða. Sjálfur reyndar er ég ekki alveg að skilja mbl fréttina nógu vel. Þar segir að það hafi birtst auglýsing með tengil inn á erlenda heimasíðu? Það getur varla verið auglýsing þar sem einu auglýsingarnar eru íslenskar og vísa inn á íslenskar síður. Þannig að þetta hlítur að vera einhver leikur

Ég auðvitað fór beint inn á leikjanet eftir að ég las fréttina og reyndi að finna einhverja leiki sem væru ekki fyrir hæfi barna. Ég fann leiki eins og "Paperdoll Heaven" og "Denim Rocks Dress Up". Ef þetta er sökudólgurinn þá finnst mér að verið sé að gera of mikið úr litlu. Jújú, það mætti svo sem segja að þetta sé að pota í siðfeðislega stikið eða hvað sem er en í raun er þetta nú ekkert verra en Barbí dúkkurnar, Action Man eða hvaða plastdúkkur börnin leika sér með þessa daga. Allavega með Barbí getur maður afklætt hana eins og manni sýnist. Er þá ekki málið að hella sig yfir Barbí framleiðandan fyrir að leyfa börnum að afklæða hana af vild?

Fáklæddar konur á vefjum tengdum Leikjaneti

Óveðursútkall nr III

Nú er enn og aftur orðið mjög hvasst í borginni og furða ég mig ennþá svolítið á því að Björgunarsveitir eru að sinna nánast að stórum hluta svipuðum verkefnum eins og síðustu tvö skiptin, þ.a.s. fjúkandi ruslatunnum, garðmunum og öðrum stórskemmtilegum verkefnum. Flokka samt ekki þakplötur, rúður og brotna glugga undir þetta nöldur :P *híhíhí*

Ég stóð vaktina upp í Hjálparsveitarhöllinni í Garðabæ í nótt ásamt sjö öðrum Björgunarmönnum, tilbúnir í verkefni. Fyrsta verkefni kom til okkar um kl 6 í morgun en fyrstu verkefni dagsins komu inn á svipað leyti. Þurfi ég að láta mig hverfa samt um svipað leyti útaf því að ég átti eftir að bera út Moggan og 24 stundir í hverfið mitt ásamt því að klára að lesa undir dönsku prófið sem er núna kl 13. Ég hef hingað til ekki séð þunga blaðberakerru takast á loftið fyrr en í morgun. Ef þið eigið leið um Grafarvoginn og sjáið 24 stundir fljúga framhjá ykkur þá er það hugsanlega eftir mig :S

Óveðursútköllum fjölgar

Óveðursútkall taka II

Nú eru Björgunarsveitirnar að sinna hinum og þessum útköllum enn eina ferðina enn. Nú hefur vindurinn eitthvað farið niður og samkvæmt Aðgerðagrunni er búist við einum stórum hvelli á næsta klukkutímanum. Þá ætti þetta að ganga eitthvað niður

Ennþá eru mörg óleyst verkefni en þeim er forgangsraðað eftir aðstæðum í hverju sinni. Sjálfur sit ég núna upp í Jötunheima, félagsheimili Hjálparsveitar skáta Garðabæ og fylgjast með aðgerðum. Á leið í hús fékk maður þó ýmislegt að gera. Færði grindverk sem komið var út á götu aftur inn á byggingasvæði og tryggði það vel. Var næstum búinn að keyra beint á grindverkið áður :S og ýmsa hluti sem hafa fokið út á götu í óveðrinu. Fékk sem betur fer bara stóran plastpoka á bílinn en það var nóg til þess að fá góðan skrekk :S

 Jæja þá er best að halda áfram að sinna þessu.

Ísskápur á flugi í Reykjavík

Óveðursútkall á Höfuðborgarsvæðinu

Þetta er án efa hræðilegt verður. Bílar og húsþök að fjúka, byggingarefni að fjúka, rúður brotnar og klæðning að losna. Sjálfur er ég Björgunarsveitarmaður og verð að halda mér heima í kvöld vegna stúdentsprófs í Ensku í fyrramálið. Hefði svo viljað taka þátt í þessari aðgerð. Hinsvegar fylgist ég með aðgerðinni á netinu með öðru augað. Sjálfur hinsvegar skrap ég út í "góða veðrið" og lokaði einni bílskúrshurð sem var að slást upp við loftið og búið að skemmast þó nokkuð. Ennþá liggja fjölmörg verkefni fyrir hjá Lögreglunni og Svæðisstjórn og er verkefnum deilt út eftir jafnóðum til sveita og hópa.
Til gamans er myndin hér sem er tekin af tengdri frétt af tveimum Björgunarsveitarmönnum sem starfa með mér í Hjálparsveit skáta Garðabæ.

Slæmt ástand í Hafnarfirði

Sönnun?

Ég fékk einu sinni tækifæri til að ræða við strák sem þá vann hjá Bónus. Þetta samtal átti sig stað áður en matarskatturinn var lækkaður og meira segja vel fyrir þá tíð. Hann útskýrði vinnu sína þannig að hans verkefni var m.a. að fara í verslanir og lækka verðin niður á meðan að verðkönnun átti sér stað.

Sjálfur pældi ég ekki mikið í þessu þá en eftir að ég sá að sumar vörur höfðu í raun hækkað eftir matarskattslækkun og svo þessar fréttir, þá held ég að þetta segi nú eitthvað.

Bónus og Krónan vísa ásökunum á bug

Forsetamerki #1097

Í dag eru 4 ár og 1 mánuður síðan að ég fékk mitt forsetamerki, merki númer 1097. Voðalega líður tíminn hratt eitthvað.

Þetta er alltaf stór stund að fara á Bessastaðir og fá þetta merki :) Óska þeim tilhamingju með árangrinn :)

Skátar taka á móti forsetamerkinu á Bessastöðum